Ова е профилот на напаѓачот на Кристина: Фото-робот открива како изгледа крвникот кој го бара полицијата
Полицијата во Белград и понатаму трага по момчето кое поради 10.000 динари кои биле во касата во бензинската пумпа, пукал во главата на Кристина Каплановиќ (19) од Нова Варош. Врз основа на снимка од безбедносните камери, изјави на колегите на Кристина и очевидци, инспекторите направиле фото-робот на напаѓачот по кој трагаат.
Инаку лекарите на Ургентниот центар се уште се борат за животот на Кристина.
Студентката Кристина Каплановиќ работела на пумпата за да го плати своето школување, а во моментот на нападот била со уште двајца колеги, кои за среќа не се повредени.
- Колегите на ранетата девојка дале изјави во полиција. Тие детално опишале како изгледал напаѓачот. Инспекторите успеале да ги обезбедат и снимките од безбедносните камери, на кои се гледа крвникот. На вештачење се однесени предмети и снимка од претходниот ден бидејќи постојат сомневања дека напаѓачот ја посетил пумпата за да надгледува ситуацијата пред грабежот - објаснува извор од истрагата кој додава дека напаѓачот не земал ниту динар од касата откако пукал во девојката.
По грабежот и пукањето, напаѓачот избегал преку блиската шума и ниви, од каде и дошол до пумпата. Пиштолот не е пронајден.
- Се надеваме на апсење бидејќи крадецот најверојатно е од околните места. Веројатно се работи за наркоман - наведува извор од истрагата.
Ново на Сител
-
Пристигнаа првите резултати од изборите во Хрватска: ХДЗ освои 58 мандати, СДП и партнерите 44
-
Уапсен 33-годишен скопјанец, истепал полицајци во полициска станица
-
Истепан вработен на ЕВН во Глумово
-
Џафери славеше роденден, семејството го изненади со торта во Владата | ВИДЕО
-
Скопјанец ја истепал поранешната девојка и ѝ го украл накитот
-
24 годишник со „ренџ ровер“ се обидел да прегази полицајци
-
Полицајци одзеле канти со поликолор на момчиња кои пишувале графит
-
Избоден затвореник во прилепскиот затвор