Македонија
29. May 2017 - 9:10

Отворен ден на Институтот Данте Алигиери и Агенцијата за европски образовни програми

Отворен ден на Институтот Данте Алигиери во Скопје и Националната агенција за европски образовни програми и мобилност ќе се одржи денеска во канцеларијата на Секретаријатот за европски прашања.

На настанот ќе бидат презентирани активностите на Институтот кои вклучуваат јазични курсеви по италијански јазик, испити за добивање на сертификатот PLIDA за познавање на италијанскиот јазик и промоција на италијанскиот јазик и култура.

Ќе бидат претставени и можностите на програмата за мобилност Еразмус+, која годинава одбележува 30 години од постоењето.

Настанот е организиран во соработка со Амбасадата на Република Италија во Македонија, Секретаријатот за европски прашања и Филолошкиот факултет „Блаже Конески“ во Скопје.