Осум сообраќајки вчера во Скопје, тешко повреден мотоциклист
Возач на мотоцикл е тешко повреден, а шест лица се здобиле со полесни повреди во пет од вкупно осум евидентирани сообраќајни несреќи во изминатото деноноќие во Скопје. Три сообраќајки се со последица материјална штета.
Како што информираат за МИА од СВР Скопје, сообраќајната полиција санкционирала 11 возачи за брзина поголема од дозволената, двајца кои поминале на црвено сметло на семафор, седум при возење користеле мобилен телефон, десет биле без возачка дозвола односно со нерегистрирани возила, а 29 за непрописно паркирање возила.
Вработените во МЗТ Леарница АД Скопје денеска со почеток во 12 часот ќе оддржат протест пред Собранието и пред Владата на бул. „Илинден“ и пред други објекти во централното градско подрачје.
Утре во 17:30 мин во спортскиот центар „Јане Сандански“ во рамки на Лигата на шампионите ќе се одигра маѓународен ракометен натпревар помеѓу ракометниот клуб „Вардар“ и „Рајнекен левен“ од Германија. Натпревар во Лигата на шампиони е најавен и за задутре со почеток во 17:30 часот во спортскиот центар „Борис Трајковски“ помеѓу РК „Металург“ и РК „Татран Прешов“.
Со цел непречено и безбедно одвивање на сообраќајот СВР Скопје најавува дека ќе бидат преземени соодветни мерки за сообраќајно обезбедување, а доколку има потреба сообраќајот може да биде пренасочен.
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри