Османи: Годинава мора да ги завршиме клучните инфраструктурни проекти финасирани од ИПА
Се наоѓаме во исклучително важен период, година во која имаме обврска да ги завршиме клучните инфраструктурни проекти финасирани од ИПА. и да ги пуштиме во функција, истакна вицепремиерот за европски прашања Бујар Османи на третиот состанок на ИПА мониторинг комитет за ИПА I и II што денеска се одржа во Скопје.
Тој нагласи дека темпото останува високо и во следната година, кога се очекува да се затворат програмите од ИПА 2007-2013.
Османи ја посочи потребата за засилена имплементација на проектите и програмите, кои се веќе испрограмирани преку ИПА 2014-2020 година и најави конечно сумирање на впечатоците и научените лекции од досегашните предизвици при спроведување на ИПА, како важен инпут во подготовката за новата ИПА после 2020 година.
На состанокот покрај националниот ИПА координатор Османи, присуствуваа и раководителот на одделение во ДГ НЕАР, Дејвид Кулен, претставници од државните институции кои спроведуваат ИПА фондови, на Делегацијата на ЕУ, Секретаријатот за европски прашања, Министерството за финансии, како и на секторските работни групи и на донаторите кои се активни во земјата.
Целта на овие состаноци е да се споделат информации за напредокот во спроведување на ИПА во двете финансиски перспективи и да се договорат заклучоци и препораки за подобрување на апсорпциски капацитети за искористување на сите средства алоцирани преку ИПА.
ИПА мониторинг комитетот е воспоставен во 2016 година и се одржува на годишно ниво.
Ново на Сител
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација
-
Претседателски избори 2024: Утре први гласаат членовите на ИО кои ќе ги спроведат изборите во дијаспората