Ослободени полицајците уапсени во врска со случајот Ивановиќ
Основниот суд во Косовска Митровица вечерва ги ослободи двајцата полицајци кои беа уапсени пред два дена под сомнение дека не го заштитиле местото на убиството на Оливер Ивановиќ, јавува „Коха диторе“.
Веста за весникот ја потврди и главниот обвинител на Основното обвинителство во Митровица, Шуќри Суља.
Обвинителството утрово побара од судот едномесечен притвор за осомничените.
Весникот „Газета експрес" претходно објави дека двајца припадници на косовската полиција, Д.М. (48) и Ж. Ј. (48), од станицата во северниот дел на Косовска Митровица, биле уапсени под сомневање дека не го заштитиле местото на убиството на Оливер Ивановиќ.
Оливер Ивановиќ, водач на Граѓанската иницијатива на СДП, беше убиен на 16 јануари пред седиштето на партијата во Северна Митровица.
Обдукцијата покажа дека тој бил убиен со шест куршуми од пиштол М70А.
Ново на Сител
-
Аналитички центар на Сител: Пресек на излезност до 18:30 часот
-
Аналитички центар на Сител: Пресек на излезност до 15 часот
-
Аналитички центар на Сител: Пресек на излезност до 13 часот
-
Просечна излезност до 11 часот
-
ОБСЕ: На крајот на денот ќе оцениме како се одржало гласањето
-
Аналитички центар на Сител: Просечна излезност до 9 часот
-
Министерот се премисли: Основците нема да одат на училиште во сабота
-
Агресијата кај учениците е резултат на целокупната состојба во државата