Ослободени двајцата турски новинари обвинети за издавање државни тајни
Главниот уредник на угледниот турски весник „Џумхуриет“, Џан Дундар и шефот на дописништвото во Анкара, Ердем Ѓул се пуштени денеска од затворот во Истанбул, каде го очекуваа судење за издавање државни тајни.
Двајцата новинари беа уапсени во ноември минатата година, откако „Џумхуриет“ објави напис за тоа дека Турција тајно им префрла оружје и муниција на исламистите во Сирија, кои се борат да го соборат од власт сирискиот претседател Башар ал Асад, а дека во таквите операции помага и турската тајна служба.
Информациите за мешањето на турските власти во граѓанската војна во Сирија на страната на исламистите претходно ги објавија и некои странски агенции и весници, повикувајќи се на инцидентот на турско-сириската граница кога турските цариници открија сандаци со оружје во камиони кои превезуваат хуманитарна помош за сириското население.
Двајцата новинари на „Џумхуриет“ беа обвинети дека „издале државна тајна“ и тие на 25 март требаше да бидат изведен пред суд.
Уставниот суд на Турција, меѓутоа, ги отфрли ваквите обвинувања , пресудувајќи дека станува збор за „насилство врз медиумите и врз изразувањето“ и нареди ослободување на Дундар и Ѓул.
Турските медиуми јавуваат дека пред затворот Силван во Истанбул денеска се собрале голема маса луѓе за да ги поздрават новинарите при нивното излегување на слобода, означувајќи го тоа како „победа на слободата на печатот“.
Турција е на неславното 149 место од вкупно 180 рангирани земји во светот според слободите на медиумите.
Во турските затвори сега се наоѓаат 30 новинари, најголемиот број од нив во курдските реони на земјата.
Ново на Сител
-
Бојмацалиев: ОВР Дебар поднесе рекордни 55 кривични пријави за дивоградби во 2023
-
МНР: Состанок на заедничкиот експертски комитет за историски, археолошки и образовни прашања согласно Преспанскиот договор
-
ЈСП Скопје: Можни се технички проблеми при валидирање со телефон или апликацијата „Скопска“
-
Ангелов: Би работел за СДСМ но за плата од 5000 евра
-
МЗШВ: Лозарите добиваат гарантирана откупна цена на винското грозје
-
Македонија и 11 членки на НАТО ја зајакнуваат соработката за обука на воени пилоти
-
ССМ на 2 април на протест поради одлуката на Врховниот суд, ќе протестира и на 1 мај
-
Полицајци спроведуваат политичка кампања, училиште претворено во штаб на ДУИ