Македонија
3. March 2016 - 20:49

Општина Струмица под истрага за изборни нерегуларности

Општина Струмица под истрага за изборни нерегуларности и купување на гласови. Десетина вработени во општината и функционери на СДСМ биле повикани на распит.

Обвинителите наредиле да се одземат и 2 општински компјутери од кои едниот на шефот на кабинетот на заев, а другит на помошникот задолжен за контакт со граѓаните.

Од основното јавно обвинителство за организиран Криминал од Струмица откриваат дека истрагата е за изборни нерегуларности на изборите во 2014, и ја спроведуваат заедно со МВР. Она што неофицијално се дознава е дека обвинетите организирале купување на гласови за претседателскиот кандидат на СДСМ, Стево Пендаровски.

„Се прибираат материјални докази неопходни за утврдување на фактичката состојба при спроведување на Претседателските и Парламентарните избори во 2014 година. Во денешната акција одземени се два општински компјутери и на разговор се повикани повеќе лица претежно граѓани гласачи“, велат од обвинителството.

Портпаролот на СДСМ Петре Шилегов, истакна дека ова е само обид да се пренасочи вниманието на јавноста, според неговите уверувања, СДСМ и општина струмица не организирале изборни нерегуларности.