Општина Илинден го одбележа патрониот празник
Со општонароден собир под мотото „Со Илинден традицијата продолжува“ и „Илинденски етно фест“, општина Илинден го одбележа својот патронен празник-2 август.
Централната манифестација, со поддршка на Македонската православна црква, се одржа во манастирскиот комплекс „Свети Ѓорѓија“ во Дељадровци.
Со честитки за националниот празник, на присутните им се обрати градоначалникот Жика Стојановски. Тој им се заблагодари на граѓаните на општина Илинден, истакнувајќи дека се што е досега постигнато, реализирано е со нивна помош.
На „Илинденски етно фест“, фестивал на традиционални македонски песни со нови аранжмани настапија Круме Спасовски, Ани Малинкова, Алекса Димов, Јулија, Марјан Коцев, Сузана Спасовска, Мишко Талески, групата Нота, групата Виртус, Влатко и Златко Миладиноски, Злате Милошевски, Сашо Митковски, Вили Гајда, Марија Петковска и Дејан Теодосиевски.
Во знак на благодарност за учеството на „Илинденски етно фест“, градоначалникот Стојановски на сите учесници на фестивалот им додели плакети.
Централната манифестација, како и во изминатите години, почна со положување цвеќе на гробот на владиката полошко-кумановски г.Кирил, кој е погребан во овој манастирски комплекс.
Ново на Сител
-
Утре и во сабота дожд, потоа стабилизирање на времето
-
СЗО за консумирање алкохол и електронски цигари кај адолесцентите: Состојбата е алармантна
-
Белгиски медиуми: Македонија оди во втор круг гласање од кој и зависи европската иднина
-
Ангелов: Граѓаните ја отпишаа СДСМ, сите заедно да ги отпишеме и ДУИ
-
Тројца уапсени во врска со истрагата за поткуп против рускиот заменик министер за одбрана
-
Грчката фрегата соборила беспилотно летало во Црвеното море во рамките на операцијата „Аспидес“
-
Александар Ѓорчевски со нова жалба пред Врховен
-
Почина Велибор Џаровски - Џаро