Живот
25. July 2017 - 9:41

Ограбувачи на банкомати маскирани како Трамп

Италијанската полиција соопшти дека уапсила двајца браќа, кои се осомничени дека ограбиле десетина банкомати во околината на Торино, носејќи маски со ликот на американскиот претседател Доналд Трамп.

Сето тоа потсетува на филмот „Точка на кршење" од 1991 година, во кој четворица ограбувачи на банки при самиот чин на грабеж носат маски со ликовите на поранешните американски претседатели Роналд Реган, Ричард Никсон, Линдон Џонсон и Џими Картер.

По се, изгледа дека италијанските „плагијатори“ биле инспирирани и од еден друг филм - „Шакалот", каде што главниот лик го обојува својот автомобил заради камуфлажа, па и тие својот бел „Мерцедес" го пребоиле во црно.