Одложено судењето за Божиновски, протест пред Кривичниот суд
Поддршка за новинарот Зоран Божиновски денеска со мирен протест пред скопскиот Кривичен суд изразија членови на новинарските здруженија, медиумски организации, активисти и медиумски работници. Божиновски се товари за злосторничко здружување, шпионажа и уцена.
Претседателот на Здружението на новинарите на Македонија (ЗНМ), Насер Селмани рече дека се дојдени да покажат солидарност со Божиновски кој, како што додаде, веќе три години е изложен на судски прогон поради неговата работа како новинар.
- Ги потсетуваме судиите дека Македонија е втора земја во Европа во која има новинар во затвор. Прво беше осуден Томислав Кежаровски, а сега и Божиновски. Гласно прашуваме кој ќе биде следниот, рече Селмани. Новинарите, како што истакна, не се пред судот за да вршат притисок ниту да им кажат на судиите какви пресуди да носат, туку за да го кренат гласот против неправдата.
Учесниците во мирниот протест побараа Божиновски да се брани од слобода.
Зоран Божиновски се наоѓа во притвор од април годинава кога беше екстрадиран од Србија. Тој првично беше опфатен во предметот „Шпион“, но бидејќи беше недостапен, предметот за него беше раздвоен.
Судењето за Божиновски, кое беше закажано за денеска, е одложено за крајот на септември. Судијата која го води предметот за Божиновски ги побарал доказите кои се дел од предметот „Шпион“ уште во август, но се уште нема добиено одговор од Апелацискиот суд. Скопскиот Кривичен суд не може да ги добие доказите бидејќи денеска предметот „Шпион“ е на јавна седница во Апелацискиот суд.
Ново на Сител
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа
-
Кривична пријава за директор на ЈП „Стрежево" Битола за злоупотреба на службена положба и злоупотреба на постапка за јавен повик
-
Притвор за еден од осомничените за кражбата на сефот од маркет во Црниче
-
ЦУК: Изминатото деноноќие 1 709 повици на 112, нема пожари на отворено
-
Израел изведе напади на југот на Сирија
-
МОН ги известило училиштата неработните денови да бидат одработени во саботи
-
Точно 353 балерини го соборија рекордот во „бурè“ танц на прсти
-
„Гугл мапс“ ќе може да го посочува најблискиот полнач за електромобили