Одложено судењето на напаѓачот на Шекеринска во Собранието
Во Основниот суд Скопје 1 денеска беше одложено судењето против Панче Ангелов, за нападот врз Радмила Шекеринска во Собранието на 27 април годинава. Новото рочиште е закажано за 6 октомври 2017 година.
Судењето е одложено по барање на адвокатот на обвинетиот доделен по службена должност, кој побара време за да ја подготви судската постапка.
Според Шекеринска, главните насилници во настаните од 27 април биле изманипулирани да вршат насилство.
- Насилството не се исплаќа, насилството се казнува. Бевме стрпливи овие неколку месеци, иако не беше лесно. Ако е ова само дополнително чекање, не мислам дека е проблем. Верувам во правото на секој обвинет да има адвокатска помош, изјави Шекеринска.
На новинарско прашање дали очекува со изборот на новиот јавен обвинител да се забрза истрагата за расчитување на настаните од Собранието, таа истакна дека и без избор на нов државен јавен обвинител, постојното јавно обвинителство има обврска да отвора истраги и да покренува обвиненија за расчистување на настаните од крвавиот четврток.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање