Одбележување на Денот на македонската полиција
Во скопската касарна „Илинден“ денеска ќе се одржи централната свеченост во рамки на одбележувањето на 7-ми Мај - Денот на македонската полиција.
Како што е најавено, на свеченоста ќе говорат министерот за внатрешни работи Оливер Спасовски, директорот на Бирото за јавна безбедност Горанче Савовски и командантот на Единицата за специјални задачи „Тигри“ Славчо Петрушевски, која воедно одбележува 35 години јубилеј од нејзиното формирање.
Покрај централната свеченост во Министерството за внатрешни работи пред споменикот на загинатите припадници на МВР, цвеќе ќе положат министерот Спасовски со претставници на МВР и семејствата на загинатите припадници на МВР, а потоа цвеќе ќе биде положено и пред споменикот на граничната полиција.
Делегација на МВР ќе положи цвеќе и на споменикот во Базата „Брест“ посветен на загинатите припадници од хелихоптерската несреќа. Предвидена е и посета на споменикот на загинатите бранители во паркот „Жена борец“.
Претставници на МВР традиционално ќе ги посетат децата без родители од Домот за згрижување на деца и младинци „11 Октомври“, Домот за доенчиња и мали деца во Битола и Дневниот Центар за деца со посебни потреби во Тетово, при што на децата ќе им бидат дадени пригодни подароци.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари