Одбележани 74 години од масакрот на борци во Февруарскиот поход
Претставници на Општинскиот Сојуз на борци од Велес и на Општина Чашка со положување свежо цвеќе на споменикот во месноста Камила кај Извор денеска одбележаа 74 години од масакрот извршен во февруари 1944 година врз борци - учесници во Февруарскиот поход.
Претседателот на Општинскиот Сојуз на борци Велес Саздо Кицевски рече дека во втората половина на јануари 1944 година бил разработен план за изведување на Февруарскиот поход со задача да се разгори оруженото востание во централниот и источниот дел на Македонија Борците на Првата македонско-косовска ударна бригада имале задача да ги напаѓаат комуникациите Солун-Лерин-Велес-Битола.
Од 31 јануари до 14 февруари 1944 година тргнувајќи од Караџова до Азот во реонот на Велешко, борците во деноноќни борби со фашистичката војска изминале пат од 300 километри. Во текот на борбите во реонот на Азот во крајно тешки зимски услови дел од борците кои биле ранети или заскитани, не можејќи да воспостават врски со главнината на својата единица, биле зарабени од непријателот.
На денешен ден пред 74 години тие борци биле стрелани во месноста Камила кај Извор, Велешко. Во нивна чест е подигнат споменик покрај стариот пат од Велес кон Прилеп. Автор на спомен-обележјето е скулпторот Зоран Грабуловски.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка