Одбележани 15 години од загинувањето на Илиевски и Трпковски во конфликтот во 2001 година
На православните гробишта во Челопек и на разурнатиот мотел „Бриони“, членовите на семејствата и пријателите ја одбележаа 15-годишнината од загинувањето Светослав Трпковски и Боге Илиевски во конфликтот во 2001 година.
Зетот на Трпковски, Љупчо Начевски изјави дека и по 15 години сакаат да се откријат виновниците за, како што рече, овој трагичен настан од конфликтот во 2001 година.
- Сакаме да се расчисти случајот и да излезе правдината, кој е, зошто и како е убиството направено. Ова убиство не е зашто биле некому должни, туку ова е невиден злостор. Досега сме добивале многу ветувања, но тие сите биле празни, штом случајот не се расчистува, рече Начевски.
Илиевски и Трпковски беа убиени на 26 август 2001 година, од се уште непознати сторители. Тие загинаа откако биле врзани за потпорните столбови и кренати во воздух со мотелот „Бриони“ кај Челопек. Нивното загинување се случи две недели по потпишувањето на Охридскиот рамковен договор и пет дена по разурнувањето на Лешочкиот манастир.
Во стара состојба е и разурнатиот мотел „Бриони“ бидејќи дел од албанското население од Челопек се спротиставува земјоделската задруга „Единство“ да продолжи да стопанисува со него.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка