Од утре нови масовни протести за заедничка Македонија

Со изложба на ракотворби на вредните Македонки и читање на поезија иницијативата За заедничка Македонија го почна 56 ден од протестите за зачувување на унитарноста на Македонија.

Скоро 2 месеци македонските граѓани остануваат најголемата пречка во обидите на СДСМ и албанските политички партии да се инсталира тиранската платформа на албанскиот премиер Еди Рама.

За аналитичарите токму граѓаните се клучни во спречување на операцијата за федерализација и кантонизација.

„Сепак упорноста на македонскиот народ и истражувањето на јавното мислење кое покажува пад на популарноста на партијата на Зоран Заев кој е спремен да направи компромис врз основа на „Тиранската платформа“, зборува дека има надеж за Македонија и Македонците.

ЕУ не покажува единствен став за кризата во Македонија, а колку повеќе времето поминува, толку повеќе е помал просторот за создавање на некаква си гнила коалиција на власт која ја заговараат партијата на Зоран Заев заедно со албанските партии.“ – пишува српскиот аналитичар Слободан Јанковиќ од институтот за меѓународна политика и економија за Вечерни новости.

Токму коалицијата на Заев е таа која што повеќе од 1 месец бара начин како да ја прескокне дебатата во Собранието и да избере нов спикер како прв чекор на патот до формирање на нова влада.

Претседателот Иванов веќе излезе со став дека нема намера да даде мандат на влада формирана врз основа на платформа од туѓа држава, а од граѓанската иницијатива За заедничка Македонија велат дека се подготвени на се доколку некој се реши да го игнорира нивниот глас.