Од остатоците на рускиот авион извадени 175 тела
Од остатоците на рускиот авион, кој се урна вчера на Синајскиот Полуостров се извадени 175 тела, јави ТАСС.
Овие податоци ги изнесоа учесниците во операцијата на местото на падот на авионот, во која учествуваат египетската армија и силите за цивилна заштита.
Сто шеест и три тела веќе се испратени во мртовечниците во Каиро, од каде можеби вечерва ќе бидат пренесени во Санкт Петербург со авион на руското Министерство за вонредни ситуации.
Во гратчето Ел Хасна, во чија близина се урна Ербасот со 224 патници и членови на екипажот веќе пристигнаа хеликоптери со претставници на руските министерства за вонредни ситуации и сообраќај, како и на федералната Агенција за цивилно воздухопловство. Во текот на денот се очекува и пристигнување на руски експерти, кои патуваат со автомобили до местото на несреќата.
ДНК анализите ќе бидат извешени во Русија, а примероците ќе ги земаат египетски експерти.
За неколку часа се очекува да почне анализата на податоците од двете црни кутии, изјавија претставници на египетската Влада.
- Дешифрирањето на црните кутии можеби ќе биде извршено во Египет, но конечна одлука за ова прашање се уште не е донесена, изјави денеска раководителот на руската Агенција за цивилно воздухопловство, Александар Нерадко.
Тој додаде дека вообичаено во вакви ситуации во анализата на податоците на црните кутии учествуваат експерти од двете земји.
Рускиот министер за транспорт Максим Соколов изјави дека црните кутии имаа претрпено помала штета.
Тој нагласи дека неодамна Меѓународната организација за цивилно воздухопловство го проверила системот, организацијата на управувањето и безбедноста на летовите на Русија и дала добра оценка.
- Но ние се разбира ќе дадеме соодветни заклучоци, откако ќе ги добиеме резултатите од истрагата за причината за несреќата на авкионот на „Когалимавиа“, истакна министерот.
Ербасот на руската компанија „Когалимавиа“, кој сообраќаше од Шарл ел Шеих за Санкт Петербург се урна вчера околу половина час по полетувањето, на стотина метри јужно од административниот центар на провинцијата Северен Синај, градот Ел Ариш, во близина на населеното место Ел Хасна. Во авионот имаше 117 патници и седум членови на екипажот. Во несреќата нема преживеани.
Во Русија денеска е прогласен ден на жалост.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка