„Образование без пречки“ - проект на Центар и УНДП
Општина Центар, во соработка со УНДП и Агенцијата за вработување, започнува проект „Образование без пречки“ во основните општински училишта. Општината потпиша меморандум за реализација на проектот со кој ќе бидат обезбедени 15 лични асистенти за помош на децата со попреченост во развојот.
Ангажираните лица се невработени, а на учениците во текот на целата работна недела, по четири часа во текот на денот, ќе им пружаат помош при движење низ училиштата, помош при користење на дидактички материјал во текот на наставата и при извршување на училишните обврски, како и олеснување на комуникацијата на учениците со наставниците, се наведува во соопштението на Општина Центар.
Со реализација на проектот се очекува 15 ученици, кои имаат наод од лекар и согласност од родителите, да остварат подобар успех при совладување на наставниот материјал, да им биде олеснет процесот на интеграција и да се зголеми свесноста кај останатите ученици за потребите на децата со попречености.
Асистентите ќе примаат месечен надоместок од 6.200 денари, а проектот започнува на 1 октомври и ќе трае до 10 јуни, односно до крајот на учебната година.
За асистентите ќе биде организирана неколкудневна обука за запознавање со детето, училиштето, наставниот кадар и опкружувањето, се додава во соопштението на општина Центар.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација