Објавено видео од убиството на братот на Ким: Една девојка го фатила за глава, а друга му инјектирала отров!
Братот на севернокорејскиот диктатор Ким Јонг-ун преколнувал да му го поштедат животот, пренесе британски Индепендент.
Ким Јонг-нам, неодамна убиен во Малезија, на својот брат му напишал писмо 2012 година, кратко откако Јонг-ун ја презел власта по смртта на Ким Јонг-ил.
Јонг-нам го преколнувал братот да ја укине наредбата за негово убиство, раскажале јужнокорејски парламентарци запознати со случувањата.
Овие информации се појавиле кратко по апсењето на жената, која е осомничена дека му инјектирала отров на Јонг-нам на аеродромот во Куала Лумпур. Тој тогаш се подготвувал за лет кон Макао, каде веќе живеел со години.
Ли Бјунг-хо, шеф на јужнокорејската разузнавачка агенција, им рекол на шефовите во парламентот дека разузнавачите во Северна Кореја веќе со години планирале напади и убиство на братот на севернокорејскиот диктатор.
„Тоа беше наредба која мораше да се изврши, без оглед на се. Нивните разузнавачи постојано се подготвуваа за убиство и конечно успеаја во тоа“, рекол Бјунг-хо.
Ким Бјунг-ки, шеф на парламентарниот одбор за разузнавачки служби, раскажал дека Јонг-нам преживеал обид за атентат пред пет години.
„Во април 2012 година Ким Јонг-нам испратил писмо до Ким Јонг-ун во кое преколнувал за милост. Зборувал дека сите знаат дека единствен излез од стравот било самоубиство“, раскажал Бјунг-ки.
Малезиската полиција објави дека уапсени се двете агентки кои го убиле Јонг-нам. Една имала виетнамски пасош на име Доан Ти Хуонг, а другата имала пасош издаден во Индонезија на име Сити Аишах.
Јонг-нам патувал со лажен пасош на име Ким Кол. Набрзо по смртта на Јонг-нам покрената е и обдукција. Се уште не се објавени резултати, но се претпоставува дека Јонг-нам умрел отако му бил инјектиран отров во лицето.
Последниве години Јонг-нам се криел во Макао каде живеел со сопругата и двете деца. Веќе подолго време е познат како остар критичар на режимот на својот брат и најавувал распад на Северна Кореја.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање