Македонија
6. May 2016 - 19:21

Обид за убиство на новинар

Пред зградата на судот во Истанбул, денеска е изведен обид за убиство на познатиот турски новинар и уредник Џан Дундар, пренесува БТА..

Напаѓачот со пиштол неколку пати пукал кон Дундар, ранувајќи еден телевизиски новинар во коленото, по што го спуштил оружјето пред камерите и и се предал на полицијата, пренесоа француските меидуми.

Дундар во атентатот минал без повреди.

На Џан Дундар, главниот уредник на опозицискиот весник „Џумхуриет“, и Ердем Ѓул, шефот на бирото на весникот во Анкара, им се суди за шпионажа и откривање државни тајни . Во мај 2015 година тие објавија видео снимка за тоа како турската тајна служба МИТ во јануари 2014 година на турско-сириската граница задржува камиони за кои имало сомненија дека транспортираат оружје, наменето за исламистичките бунтовници во Сирија.