Новиот ГУП за град Штип не предвидува тешка и загадувачка индустрија
Во новиот Генерален урбанистички план (ГУП) на градот Штип не е планирано изградба на стопански објекти од тешката и загадувачка индустрија истакна Емил Стојановски од консултантското друштво „Енвиро Ресурси“ ДОО Скопје, на денешната јавна презентација на Извештај за стратегиска оцена на животната средина за ГУП на град Штип.
- Согласно Генералниот урбанистичкли план за град Штип треба да се истакне дека тешка и загадувачка индустрија не се планира, односно се планираат домување, комерцијални и деловни објекти, јавни функции, паркови и зеленило, заштитно зеленило, комунална инфраструктура и мешана намена, вели Стојановски.
Извештај за стратегиска оцена на животната средина за ГУП на град Штип е еден од клучните документи за донесување на новиот ГУП на Штип, кој ќе има рок на важност вкупно 10 години.
Според урбанистите во општина Штип, развојот и изградбата на градот ќе се одвива кон исток, бидејќи постоечката Филтер станица и главната водоводна мрежа ја диктираат насоката на изградба на нови објекти. Новиот ГУП за Штип е со површина од 2.292 хектари, а донесувањето на новиот генерален план го чекаат граѓаните на Штип со цел одредени Детални урбанистички планови да претрпат измени, со што ќе им се овозможи оформување на градежните парцели.
Ново на Сител
-
Две жртви и еден повреден во сообраќајката на експресниот пат Штип-Кочани
-
Руски воен репортер загина во Украина
-
Претрес во Свети Николе, пронајдена дрога
-
Пожари на диви депонии во Желино и Боговиње
-
Приведен дилер во Охрид, пронајдена дрога
-
Вучиќ-О'Брајан: Различни ставови по прашањата за Косово и Сребреница
-
Шест деца и тројца возрасни загинаа во израелски напад во Рафа
-
Во вторник предизборен молк