Нова американска инвестиција во Кривогаштани, најавени 300 вработувања
Нова американска браунфилд инвестиција од областа на медицинската индустрија во општина Кривогаштани беше најавена денеска. Ќе бидат инвестирани осум милиони евра и ќе бидат отворени 300 нови работни места за граѓаните од оваа општина и Пелагонискиот регион.
- Веќе е донесена одлука, купена е опрема за отворање на нова фабрика во делот на медицинската индустрија. Се работи за американска инвестиција коишто веќе изнајдоа објект, го реновираат и адаптираат, ги набавуваат потребните дозволи и очекувањата се дека најдоцна за два месеца, а можеби и порано, ќе започне со работа. Ќе вработат околу 300 луѓе, изјави претседателот на ВМРО-ДПМНЕ Никола Груевски за време на посетата на селото Волково во општина Ѓорче Петров.
Според него, бројот на странските инвестиции ќе беше поголем доколку немаше политичка криза, но и покрај тоа напорите на владините институции во однос на привлекувањето на странските инвестиции се уште даваат ефект.
Неодамна исто така беше најавена инвестиција во Желино со потенцијални 350 вработувања и уште една во Скопје во поранешната фабрика ОХИД со 200 вработувања.
Во овие три новонајавени инвестиции за земјата ќе бидат вработени околу 850 луѓе.
- Ќе бидат отворени нови 850 работни места во услови на тешка криза, во услови кога СДСМ сака во секој поглед да ја закочи и да ја ослабне државата за да ја оствари крајната цел на целата оваа криза, а тоа е промена на уставното име по терк на нашиот јужен сосед, преуредување на државата како што некој друг замислил, истакна Груевски.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка