-->
-->
Нов скандал во ФИФА, Германија платила за СП во 2006!
-->
Голем скандал како ‘бомба’ би можел одекне во светскиот фудбал, доколку се потврди дека Германија ја купила организацијата на Светското првенство во 2006 година.
Како што пишува весникот Spiegel, ова би можело да биде најголемиот скандал во германскиот фудбал уште од местењето на натпревари во Бундеслигата, во 70-те години од минатиот век.
Весникот тврди дека Германија со поткуп дошла до организацијата на Мундијалот. Сé започнало кога наводно Роберт Луис-Драјфус (кој починал во 2009 година), во тоа време прв човек на „Adidas“, им позајмил пари на челниците на Германската федерација за да ја добијат организацијата на СП.
Ова и не би било чудно, доколку сé не било направено на 6-ти јули 2000 година, многу пред да биде донесена одлуката кој ќе биде домаќин на Мундијалот во 2006 година.
Проблемот станал кога на 18 месеци пред почетокот на СП, Луис-Драјфус побарал да му биде вратена сумата од 6,7 милиони евра. Челниците на организациониот комитет беа легендарниот Франц Бекенбауер (претседател) и Волфган Нисбах, кој е актуелен претседател на Германската федерација.
Во прикривањето на целиот случај наводно учествувала и ФИФА. Германците споменатата сума ја уплатиле на сметката на ФИФА во Женева, со образложение дека тие пари ќе бидат искористени за церемонијата на свеченото отворање. Spiegel пишува дека ФИФА тие пари веднаш му ги префрлила на Луис-Драјфус.
Епилогот е дека Германија парите ги употребила за да обезбеди четири гласови на азиските претставници во Извршниот комитет на ФИФА, кој брои 24 членови. Азиските претставници гласале исто како и европските, единствено Чарлс Демпси се откажал од гласањето и Германија со 12:11 ја доби организацијата на Мундијалот.
-->
-->
-->
Ново на Сител
-
Пристигнаа првите резултати од изборите во Хрватска: ХДЗ освои 58 мандати, СДП и партнерите 44
-
Уапсен 33-годишен скопјанец, истепал полицајци во полициска станица
-
Истепан вработен на ЕВН во Глумово
-
Џафери славеше роденден, семејството го изненади со торта во Владата | ВИДЕО
-
Скопјанец ја истепал поранешната девојка и ѝ го украл накитот
-
24 годишник со „ренџ ровер“ се обидел да прегази полицајци
-
Полицајци одзеле канти со поликолор на момчиња кои пишувале графит
-
Избоден затвореник во прилепскиот затвор