Балкан
14. March 2016 - 8:37

Мустафа: Тероризмот е сериозна закана за сите држави

Косовскиот премиер Иса Мустафа се солидаризира со настанот што се случи во Анкара,во кој животот го загубија најмалку 35 лица. Тој упати телеграма до неговиот турски колег Ахмет Давутоглу, искажувајќи длабоко сочувство.

Премиерот Мустафа од лично име и од името на косовските граѓани искажува жалење и солидарност со турскиот народ и со семејствата на загинатите и повредените,во овој тежок терористички акт.

Во телеграмата премиерот Мустафа наведува дека сега тероризмот е сериозна закана за сите држави. Тој ја искажува целосната подготвеност на Косово во заедничката глобална борба на демократскиот свет, предводена од САД,против сите форми на насилен радикализам и тероризам.