„Дебармаалски серенади 2020“ посветени на виното и љубовта
Дебармаалски серенади посветени на виното и љубовта ќе се одржат денеска и утре по 18. пат во организација на Здружението за култура, обичаи и традиции „Гороцвет“ од Скопје.
Како што соопштија од Здружението „Гороцвет“, „Дебармаалските серенади“ денеска ќе почнат од 17 часот кога ќе се крши „дебармаалска погача“ со песна, музика и вино кај пекара „Силбо“. Потоа серенадите ќе продолжат по улицата „Костурски херои“ и поливање со вода, цвеќиња, бонбони и паричка.
Серенадите ќе продолжат по улицата „Дебарца“ кон кафеаната „Антица“, каде ќе се пее и наздравува со бело и црвено вино. Во кафеаната „Идадија М“ ќе има изложба насловена „Цвеќе на љубовта“ со греана ракија.
Потоа во кафеаните „Скопски мерак“ и „Дебармаало“ покрај серенади и поезија ќе се одржи и „беседа за виното и љубовта“. Завршниот дел е во слаткарницата „Апче“ каде со серенади и поезија се засладуваат со торта и боза учесниците на 18-те „Дебармаалски серенади“.
Закројување на лоза и пуштање порака за мир и љубов во реката Вардар од мостот кај Жабарот ќе се одржи утре од 9 до 11 часот со ученици од ОУ „Гоце Делчев“.
Учесници на „Дебармаалските серенади – 2020“ се „Велешки Чалгии“, Милка Ефтимова, Виолета Томовска, Горан Алачки, Љупчо Ангелов, актер и гитарист, Верица Ристевска, Драган Мијалковски, Ристо Краповски, Атина Апостолова, Круме Спасовски, Вики Среброва, Хорот „Серенада“, Валентина Ѓоргиевска – Парго, Моника Стојанова, Тања Стоилковска, Драгица Пандиловска, Илко Димитриевски, Лидија Јеремиќ – Лучко, Горан Анчевски, Јовче Петковски, Емил Чинго.
Ново на Сител
-
Приведен охриѓанец кој го фотографирал гласачкото ливче
-
До 13 часот во Куманово одѕивот 23 проценти, во Липково 16, во Старо Нагоричане 22
-
Излезноста во Струга до 13 часот 16 отсто, во Вевчани 33 проценти
-
Им ветувале бесплатни водомери за да гласаат во нивно својство, пријавен случај на поткуп
-
До 13 часот во Прилеп гласале 31,41 отсто од граѓаните со право на глас
-
Излезноста до 13 часот е 26.35 отсто
-
Утре нова рунда од дијалогот Белград-Приштина
-
Во Крива Паланка излезноста на изборите до 11 часот е 24,5 отсто