Сендвич наречен по словенечкиот пратеник кој поднесе оставка
Словенечки дистрибутер за брза храна, специјализиран за сендвичи ја искористи актуелната афера која изнуди оставка од еден пратеник и на пазарот пласираше сендвич наречен „претставник“.
– Во прашање е корисна алтернатива за невкусен чин на еден од 90-те избрани претставници на народот во нашиот Парламент, соопшти компанијата „Сендвичарна“, притоа алудирајќи на пратеникот Дариј Крајчич, кој под притисок на својата партија Листа на Марјан Шарец вчера го врати мандатот откако во разговор со колегите призна дека на пауза на седницата земал сендвич од локал во близина и поминал покрај благајната, бидејќи продавачките не му посветувале внимание, а тој брзал.
Иако подоцна го платил сендвичот и кажа дека станува збор за „општествен експеримент“ за да ја испита будноста на контролата, премиерот Шарец инсистираше Крајчич да го врати мандатот, но со забелешка дека тоа е престрога мерка за него и дека не заслужува такво нешто.
Фирмата „Сендвичарна“ со филијали во Велење, Цеље, Марибор и Љубљана, маркетиншки го искористи тој случај и почна да ги продава сендвичите „претставник“.
Сендвичот е направен од домашно печиво со интегрално брашно, словенечки сувомеснати специјалитети и кисела павлака.
Првата серија од 90 „претставници“ е испратена во народна кујна во Љубљана, како доказ дека станува збор за добротворна кампања, додека останатите ќе се продаваат по цена од 2,5 евра.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово