Нобеловци до саудискиот крал: Спречете ги егзекуциите на 14 млади лица
Десетмина нобеловци апелираа до саудискиот крал Мохамед бил Салман да покаже милост и да го стопира егзекутирањето на 14 млади луѓе осудени на смртна казна поради учество во протестите во 2012 година.
Лауреатите во писмото доставено вчера до Обединетите нации наведоа дека смртна казна е изречена за 14 припадници на шиитското малцинство на масовното судење, поради учество во протестите, кои саудиските власти ги окарактеризираа како „вооружен бунт“.
Добитниците на Нобеловата награда исто така тврдат дека саудиските власти ги изнудиле нивните признанија и дека уапсените биле физички малтретирани.
Меѓу оние за кои е изречена оваа пресуда е и Муџтаба ал Свеикат, кој е уапсен пред да полета за САД заради школување на Универзитетот во Мичиген. За време на апсењето тој имал 18 години.
Американската федерација на наставници го повика претседателот на САД, Доналд Трамп од Саудиска Арабија да побара да се откаже од погубувањето на Ал Свеикат и другите лица.
Меѓу потписниците на писмото се поранешните претседатели на Полска, Јужноафриканската Република и Источен Тимор, Лех Валенса, Фредерик де Клерк и Жозе Рамош Орта и јужноафриканскиот борец против апартхејдот, Дезмонд Туту.
Ново на Сител
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.