Нишани повика на дијалог, Рама и Баша не договорија средба
Не успеа обидот на албанскиот претседател во заминување, Бујар Нишани, да ги седне на иста маса лидерите на двете најголеми политички сили, владејачката Социјалистичка и опозициската ,Демократска партија, Еди Рама и Љуљзим Баша, за да се најде решение за излез од длабоката политичка криза во која е земјата.
Имено, Рама и Баша не успеале да се договорат околу барањата на опозицијата, што биле нејзин услов за да се седне на иста маса.
Рама, кој е актуелен премиер, му предложил на Баша да му отстапи поголем број министерски места во Владата, но не се согласил да замине од премиерската функција.
Но овој негов предлог не го прифатил Баша, кој рекол дека „прифаќа помалку министерски места, но без Рама премиер“.
Инаку, актуелниот, осми состав на албанскиот парламент, утре ќе ја одржи последната седница во овој мандат. Потоа истиот се распушта, со што се отвора патот за парламентарните избори закажани за 18 јуни, кога ќе се изберат новите 140 народни избраници. За учество на изборите, кандидатски листи до Централната изборна комисија доставиле 17 политички партии. Опозицијата истите ги бојкотира, иако до полноќ, кога е второ продолжениот рок, има можност да достави свои листи.
Ново на Сител
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп