Нимиц: Решението на спорот за името ќе доведе до стабилизација на регионот
Следната година може да се најде решение на проблемот со името, изјави во Брисел медијаторот Матју Нимиц, по завршување на првиот круг од преговорите меѓу Атина и Скопје за надминување на спорот, соопшти грчкиот весник „Катимерини“.
Нимиц изјави дека бриселските разговори меѓу преговарачите Адамандиос Василакис и Васко Наумовски минале во „многу добра атмосфера“ и дека новата македонска Влада ова прашање го поставила како свој врвен приоритет и има намера да ги подобри односите со Грција.
Медијаторот, наведува „Катимерини“, исто така, кажал и дека оценката и на грчката страна е дека решавањето на спорот ќе доведе до стабилизација на регионот.
- Ние и во минатото имавме телефонски разговори, но за првпат ова прашање се разгледува толку сериозно, изјави Матју Нимиц.
По три години застој, разговорите за надминување на проблемот со името на Македонија сега добиваат нова динамика, откако Нимиц изјави дека во текот на следните месеци средбите ќе станат уште поинтензивни и во рамки на оваа процедура предвидени се средби со преговарачите во јануари, февруари и март, во Њујорк, иако можно е да се оддржат и на европска територија.
- Средбата во Брисел покажа дека треба да преземеме интензивни напори за да го решиме ова прашање, дополни Нимиц.
Тој објасни дека на оваа прва средба бил направен обид да се определат темите. На неа, тој не дал свој предлог.
- Им помогнав на двете страни. Тие ги изложија своите позиции, а јас ги слушнав и сакав да ги разберам нивните позиции, кажа уште медијаторот, без да спомене дали предлозите соддржеле некаква двојна формула или не, посочува „Катимерини".
Според весникот, Нимиц појаснил, дека процедурата нема фиксен краен рок.
- Нема магично име, кое ќе го реши проблемот, објаснил Нимиц.
Ново на Сител
-
Ограбено тетовско казино, уапсени две лица
-
Судот на БИХ одреди притвор за три лица уапсени под сомнение дека соработувале со картел кој шверцувал дрога од Латинска Америка во Европа
-
ОН: Речиси 282 милиони луѓе ширум светот се соочиле со акутен глад во 2023 година
-
Папата Франциск за конфликтите во Украина и Газа: Договорен мир е подобар од бескрајна војна
-
Барселона го одврати Чави од заминување, нов договор до 2025-та
-
Уште еден гигант тргнува по ѕвездата на Манчестер Сити
-
Петмина тинејџери обвинети за тероризам по прободувањето со нож во црквата во Сиднеј
-
ИДФ за снимката на заложникот објавена од Хамас: Ова е итен повик за акција