Никола Јанкуловски нов ректор на УКИМ
Деканот на Медицинскиот факултет, Никола Јанкуловски, денеска е избран за нов ректор на Универзитетот „Свети Кирил и Методиј“.
На седницата на Универзитетскиот сенат Јанкуловски доби поддршка од 43 сенатори. Неговиот противкандидат, професорот на Природно-математичкиот факултет и поранешен министер за образование Ненад Новковски, освои шест гласа, додека шест гласа беа неважечки.
По изборот Јанкуловски рече дека максимално ќе се залага да ги реализира целите кои ги ветил во програмата и оти Универзитетот треба да се најде на местото кое го заслужува.
На изборот на новиот ректор му претходеше тензична атмосфера при конституирањето на новиот Универзитетски сенат. Студентскиот пленум и младински организации утрово го блокираа Ректоратот барајќи одложување на седницата, бидејќи, според нив, претставниците на студентите во сенатот се нелегитимни.
Од Студентскиот пленум истакнуваат дека нема да ги прекинат своите активности против, како што велат, нелегитимните претставници, бидејќи на 30 јуни ќе има избор за нов студентски лидер.
Ново на Сител
-
Ангелов: Граѓаните ја отпишаа СДСМ, сите заедно да ги отпишеме и ДУИ
-
Тројца уапсени во врска со истрагата за поткуп против рускиот заменик министер за одбрана
-
Грчката фрегата соборила беспилотно летало во Црвеното море во рамките на операцијата „Аспидес“
-
Александар Ѓорчевски со нова жалба пред Врховен
-
Почина Велибор Џаровски - Џаро
-
Приведен тетовец баран со потерница
-
Ограбено тетовско казино, уапсени две лица
-
Судот на БИХ одреди притвор за три лица уапсени под сомнение дека соработувале со картел кој шверцувал дрога од Латинска Америка во Европа