Неколкумина повредени кога автомобил удри во група луѓе на тротоар во Лондон
Неколку лица се повредени попладнево кога автомобил удри во група луѓе на тротоарот пред Природонаучниот музеј во Лондон, соопшти лондонската полиција, додавајќи дека случајот не претставува терористички чин.
Во соопштението се посочува дека полицијата во 14.21 часот по локално време (15.21 по средноевропско време) била известена за „судар“ пред Музјеот, што се наоѓа во Јужен Кенсингтон во центарот на Лондон.
- Се верува дека се повредени одреден број пешаци. Во тек е истрага за утврдување на околностите и причините за инцидентот, соопшти полицијата, додавајќи дека во врска со настанот е приведено едно лице.
Полицаец прустен на местото во време на инцидентот за Би-Би-Си изјави дека верува оти пешаците минале со „минорни“ повреди.
Британскиот јавен сервис информира дека веднаш по инцидентот пред Музејот пристигнале поголем број полициски и амбулантни возила и вооружени полицајци, а реонот го надлетувал и хеликотер.
Телевизјата Скај пак прикажа аматерска снимка на која се гледа како група полицајци држат легнат на земја црномурест маж, покрај црн автомобил марка „Тојота“.
Според телевизјата, станува збор за возачот, кој со автомобилот преминал на тротоарот и откако удрил во неколку лица, застанал пред зградата на музејот. Телевизијата нагласува дека „станува збор за обичен инцидент“.
Претставник на Музјеот соопшти дека објектот е затворен и никому не му е дозволено да влезе во него, додека лицата што се затекнати во зградата ја напуштаат преку споредните излези.
Природонаучниот музеј е една од најпопуларните туристички атракции во Лондон.
Ново на Сител
-
Граѓаните гласаат за седми претседател на државата
-
Изборните денови 24 април и 8 мај неработни за сите граѓани
-
Јавниот превоз во Скопје со неделен возен ред, жичницата на Водно нема да работи
-
Американскиот Сенат одобри 95 милијарди долари помош за Украина, Израел и Тајван
-
Лични документи можат да се подигнат и денеска
-
Променливо облачно со сончеви периоди, на крајот на денот дожд
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор