Неизвесно одржувањето на Фестивалот за дувачки оркестри во Пехчево
Неизвесно е одржувањето на 7. Фестивал за дувачки оркестри во Пехчево поради блокадата на општините и истекувањето на мандатот на градоначалникот.
Како што информира директорката Елица Јовевска, веќе се во тек првите подготовки, а градоначалникот Игор Поповски верува дека ќе се изнајдат начини за одржување на Фестивалот.
- Во неизвесност сме поради ситуацијата со локалната самоуправа. Се надеваме дека по 15 мај ќе имаме поконкретни информации за тоа како ќе течат подготовките и како ќе изгледа Фестивалот, бидејќи клучните документи и договори ги потпишува градоначалникот, рече Јовевска.
Според Поповски, се прават прелиминарни договори, но поради ситуацијата со мандатите, засега не може ништо да се прецизира.
- Верувам дека Фестивалот ќе се одржи, но засега ништо не можеме да кажеме, рече Поповски.
Фестивалот традиционално се одржува за празникот на Пехчево, Павловден, а во овој период од годината вообичаено течат првите активности и се познати музичките имиња кои треба да настапат.
- Фестивалот е адут на Пехчево за привлекување туристи и побогата туристчка понуда. Со години за фестивалскиот денови, градот го посетуваат десетици илјади гости. На сцената настапуваат најдобрите виртуози на трубата на Балканот, а за македонските трубачи манифестацијата е можност за промоција и излегување од анонимноста, истакна Јовевска.
Старата трубачка традиција во Малешевијата го создаде овој фестивал кој е и единствен од ваков тип во земјава, а неговата асоцијација го поврзува со балканскиот фестивал Гуча во Србија.
Ново на Сител
-
Над 20 луѓе повредени во сообраќајна несреќа во Германија
-
Мериленд доби помош од 60 милиони долари по уривањето на мостот во Балтимор
-
Сончево и топло со мала локална облачност
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата