НБА плеј оф: Хјустон во полуфинале, Сан Антонио и Јута водат со 3-2

Кошаркарите на Хјустон се пласираа во полуфиналето на плеј офот откако на домашен терен во натпреварот број 5 ја победија Оклахома Сити со 105:99 и со 4-1 во победи обезбедија настап во следната рунда. Најефикасен на дуелот кај победникот беше Џејмс Харден со 34 поени, додека Расел Вестбрук остана без уште еден „трипл-дабл“ со 47 поени, 11 скокови и 9 асистенции. Тој сепак во плеј офот има просек на „трипл-дабл“ 31.6 поени, 10.7 скокови и 10.4 асистенции.

Хјустон во следната фаза ќе игра со подобриот од дуелот Сан Антонио - Мемфис.

Ноќеска Сан Антонио победи на домашен терен со 116:103 и поведе со 3-2 во добиени натпревари.

Триумф на гости оствари Јута со 96:92 и води против ЛА Клиперс со 3-2 во победи и следниот натпревар го игра на домашен терен.