Научна средба за Св. Климент Охридски по повод патронатот на НУБ
Делото на Свети Климент е најчистиот кладенец од кој нашиот род веќе 11 векови ја обликува својата духовност и црпи благодатни сили.
Ова денеска го истакна директорот на НУБ „Св.Климент Охридски“-Скопје, Иван К.Заров пред почетокот на 9. Научна средба на тема „Свети Климент Охридски - 1100 години духовен светилник“, организирана по повод патрониот празник на Библиотеката.
Посочи дека во оваа јубилејна година кога ја чествуваат 1100-годишнината од упокојувањето на Св.Климент Охридски не може, а да не ја подвлече онтолошката нишка со која ние неговите потомци и следбеници кореспондираме со неговиот духовен завет, обликувајќи го сопствениот светоглед и однос кон традицијата преку никогаш непрекинатиот духовен дијалог со минатото кој е секогаш актуелен и отворен за современа интерпретација.
- Во тој дух е и годинешната дветта научна средба во која се вклучени трудови од наши еминентни интелектуалци кои од различен дискус разгледуваат аспекти на Светиклиментовото дело кое верувам ќе поттикнат и разјаснат некои не до крај дефинирани аспекти поврзани со неговото дело, додаде Заров.
Ѓакон Дејан Борисов рече дека Свети Климент е примерот кој ние треба да го следиме и треба на нашите поколенија да го пренесеме како што тој ни го пренел нам преку пример.
На научната средба учествуваа професори и познавачи на делото на големиот просветител: Стојан Ристески, Елизабета Димитрова, Ѓоко Ѓорѓевски, Милош Линдро и Ана Ѓорѓевиќ.
Во рамки на свеченоста беше отворена и изложба на избрани публикации со текстови од св. Климент Охридски и книги и статии посветени на неговото творештво објавени во Македонија и странство, заедно со неколку уметнички дела на кои е претставен неговиот лик.
Во рамки на програмата за одбележување на патронатот настапи Византискиот женски црковен хор од црквата „Св. Петка“ во Скопје. Како и во минатите години, по повод патронатот беа доделени и традиционалните награди за вработените и беше положено цвеќе на споменикот на свети Климент Охридски во дворот на библиотеката.
Ново на Сител
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари
-
ДИК: Гласањето во затворите тече без проблеми