Најстудено во Маврово и Берово -12 степени
На последниот ден од оваа година најстудено е во Маврово и Берово каде што утринава се измерени -12 степени.
Во Крушево и Ѓуриште измерени се -10 степени, во Пожаране и Крива Паланка -9, во Тополчани -8, во Куманово и Скопје -7, во Виница, Пожар, Демир Капија, Дебар и Прилеп -6, во Тетово, Скопје, Кавадарци, Охрид и Штип -5, во Битола и Струмица -4, во Дојран и Претор -3, а во Гевгелија -2 степени, информираат од Управата за хидрометеоролошки работи.
Времето утрово е малку до умерено облачно со слаб а на повисоките места со умерен северен ветер.
Во Македонија денеска ќе биде претежно сончево и студено со мала облачност во јужните делови од земјата и со слаб до умерен северен ветер поизразен на повисоките места. Температурата ќе биде во интервал од -2 до 5 степени. Во Скопје сончево и студено со слаб до умрен северен ветер. Температура до 3 степени.
Утре ќе биде сончево и студено со мала до умерена облачност, попладне облачноста ќе се зголемува.
За време на новогодишната ноќ ќе биде ведро и доста студено (температура од -11 до -3). Утре ќе преовладува сончево и студено време. Во сабота облачноста ќе се зголемува и температурите ќе започнат благо да се покачуваат. Од недела следува период на променливо облачно време со повремени врнежи, на пониските места од дожд и снег, а на повисоките од снег, со променлив интензитет.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка