Најновиот Џејмс Бонд филм - „Спектар“ во Скопје, ФХ3Х дел од ефектите
„Спектар“ најновиот 24-ти по ред филм за Џејмс Бонд, на чии визуелни ефекти работеа артисти на македонската компанија за анимација и визуелни ефекти ФХ3Х во соработка со МПЦ Техницолор од Лондон, од вчера почна да се прикажува во Скопје, еден ден пред светската премиера.
Кристијан Даниловски, ко-сопственик на ФХ3Х и извршен продуцент, изјави дека на овој проект работеле вкупно 66 артисти од јули до октомври годинава.
- Овој проект го работевме во соработка со МПЦ Техниколор од Лондон и на филмот беа изработени преку 70 кадри. Како фанови на серијалот со нетрпение очекуваме да го видиме конечниот резултат. Од она што може да се види низ медиумите и форумите за филмот, не очекува фантастичен спектакл, особено акционите сцени снимени во Мексико и бројните „гаџети“. Филмот ветува добра забава, вели Даниловски.
Новата авантура на Бонд ја одбележа и новото специјално произведено возило на Астон Мартин, лимитед едитион ДБ9 ГТ Бонд Едитион, како и лимитираната едиција на рачниот часовник The Seamaster 300 „Spectre“ изработен од мајсторите на Омега брендот, кој годинава бележи 20 години соработка со популарниот агент 007.
Во „Спектар“ Даниел Крег по четврти пат е во улогата на Бонд, овојпат против Кристофер Валц во улогата на Оберхаузер, во приказна која не враќа на првиот контакт на Бонд со криминалната организација Спектар.
Според сценариото, по нападот на Раул Силва врз МИ6, шифрирана порака од минатото на Бонд, покренува низа настани со кои се соочува со криминалната организација позната како Спектар. Додека М се бори со политички моќници да ја задржи тајната служба активна, Бонд сфаќа дека едниствениот начин да ја расплетка мрежата на измами е да ја заштити невината ќерка на моќен непријател. Следејќи трага од Мексико до Италија, Австрија и Мароко, принуден е да работи надвор од својата вообичаена структура на поддршка, бидејќи треба да се соочи со непријател од своето минато.
Филмот премиерно беше прикажан на 26-ти октомври во Лондон, додека светската премиера е закажана за 6-ти ноември.
„Спектар“ се прикажува во киното „Синеплекс“ .
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка