Македонија
20. April 2017 - 18:19

Најнова прогноза на УХМР: Од утре уште постудено

МАКСИМАЛНА ТЕМПЕРАТУРА: 16 Гевгелија, 15 Д. Капија, 14 Струмица, 12 Прилеп, Битола, 11 Скопје, 10 Штип, Виница, Тетово, 9 Тополчани, Пожаране, 8 Охрид, Берово, Претор, 7 Кр. Паланка, 5 Ѓуриште, 2 Маврово, 0 Лазарополе.
 
НАВРНАТ ВОДЕН ТАЛОГ (во л/м2) за 9 часа, до 16 часот. 0 Пожаране, Маврово, Кр. Паланка.
 
ВРЕМЕТО ДЕНЕС: Претпладнето во северните и северозападните делови од земјава имаше зголемена облачност со слаб локален дожд, а на планините и некои повисоки места повремен слаб снег. Во останатите делови преовладуваше сончево и постудено време со мала до умерена облачност. Попладнево се задржа слична временска состојба, во западните планински делови имаше врнежи од снег, а во останатите делови умерено облачно, студено и ветровито со сончеви периоди. Во текот на денот дуваше засилен ветер од западен и северозападен правец, така во југозападните и јужните делови од земјава ( во Пелагонила на моменти ветерот достигнуваше брзина од 45 до 72 км/час и во Скопската котлина до 43 км/час).
 
ВРЕМЕТО ДО КРАЈОТ НА ДЕНОТ
 
Променливо облачно и постудено со сончеви периоди, во северозападните делови со услови за локален слаб дожд, а на планините слаб снег. Ќе дува засилен ветер од западен и северозападен правец, а најсилен се очекува да биде во југозападните и јужните делови од земјава (на моменти со брзина до 90 км/час). И во текот на ноќта нашето подрачје ќе биде под влијание на студена воздушна маса која ќе се спушта од север и ќе услови ведро и студено време со умерена облачност и со умерен северозападен и западен ветер.
 
ВРЕМЕТО УТРЕ
 
Променливо облачно и студено со засилен северозападен ветер, особено изразен вдолж Повардарието и источните делови. Т-мин. од -4 до 4 а т-мин. 6 до 13 степени. 
 
Скопје: Променливо облачно и студено со засилен северозападен ветер. Температурите од 0 до 10 степени.
 
ВРЕМЕТО ВО НАРЕДНИТЕ ДЕНОВИ
 
Утре ќе биде суво, студено и ветровито, а ветерот ќе биде северозападен и особено изразен вдолж Повардарието и источните делови. Температурите значително ќе опаднат, при што утринските за време на викендот на повеќе места ќе бидат околу или под нулата. Дневната температура од сабота ќе биде во пораст.