Свет
3. March 2016 - 8:53

Најмалку пет лица загинаа во поплави и свлечишта во Перу

Најмалку пет лица загинаа во Перу како резултат на поплави и лизгање на земјиште, предизвикани од поројните дождови, а над пет илјади лица се принудени да ги напуштат своите домови, соопштија локалните власти. 

Според официјални податоци четири лица загинале во шахта, чиј отвор бил затрупан. Едно лице се удавило во надојдена река. Од минатата година досега 11 лица загинале во поројни дождови во Перу. 

Поради поплавите во Перу е нарушен автомобилскиот сообраќај. Околу 200 километри патишта се уништени од дождовите. Според метеоролозите кон крајот на неделата може да дојде до влошување на ситуацијата.