Свет
20. September 2016 - 8:56

Најмалку 50 загинати во судири меѓу демонстранти и полицијата во Киншаса

Најмалку 50 луѓе загинаа синоќа во судири меѓу полицијата и демонстранти во Киншаса, главен град на Конго.

Судирите почнаа неколку часа пред почетокот на антивладините демонстрации против претседателот Жозеф Кабила. Опозицијата го обвинува дека сака со одлагање на изборите, да го продолжи мандатот што му истекува во декември.

Генералниот секретар на ОН Бан Ки-мун ги повика безбедносните сили на Конго да бидат максимално воздржани во одговорот на демонстрациите. САД изразија разочарување што Конго не објави кога ќе бидат одржани избори и се заканија со дополнителни санкции против локалните официјални лица.