Најмалку 27 загинати во експлозијата во Анкара
Во експлозијата која вечерва ја потресе Анкара загинаа најмалку 27 лица, а 75 се повредени, јави ТАСС, повикувајќи се на соопштение на локалните власти.
Според првичната информација, напаѓач-самоубиец со автомобил-бомба ја предизвикал експлозијата близу автобуска постојка во Анкара.
Засега нити една терористичка организација не ја презеде одговорноста за нападот.
Местото на експлозијата е обезбедено од полицијата и спроведена е евакуација во тој дел од градот во случај да дојде до втора експлозија. Повредените веднаш се префрлени во болница.
Врховниот совет за радио и телевизија на Турција објави забрана за медиумско покривање од местото на експлозијата.
Дел од медиумите соопштуваат дека после експлозијата се слушнале и пукотници.
Сведоци велат дека чад од местото на експлозијата може да се види и на оддалеченост од 2,5 километри.
Експлозијата одекна во близина на централниот Гевен парк во 18.35 (локално време), а турскиот весник „Хуриет“ наведува дека во близина е и зградата на Министерството за образование. Весникот уште објавува дека одреден број возила се опожарени, а на местото на експлозијата, во близина на автобуска постојка, пристигнати се голем број амбулантни возили.
Приватната телевизија НТВ соопштува дека веројатно станува збор за автомобил-бомба, додека станицата ТРТ потврдува дека станува збор за автомобил-бомба, но дека тој се судрил со автобус.
Ново на Сител
-
ДИК: Заврши увидот во Избирачкиот список и регистрацијата на гласачите од дијаспората
-
Ковачевски: Владата подготви закон за рестриктивни мерки, Милошоски да го стави на комисија
-
Трамп: Ако победам, ќе го депортирам принцот Хари доколку лажел на апликацијата за виза
-
ДИК: Црната листа на САД не може да влијае врз претседателската кандидатура на Стевчо Јакимовски
-
Бебе загина во сообраќајка на патот Струмица-Ново Село
-
Приведен дебранец поради агресивно однесување кон полициски службеници
-
Разбиена криминална мрежа во Атина која регрутирала малолетни девојчиња и ги принудувала на проституција
-
Претрес во Скопје, пронајдена дрога и украдени часовници - Приведени три лица