Најмалку 150 лица загинаа во земјотресот во Мексико, меѓу кои 21 дете при уривање на училиште
Најмалку 21 дете загинаа, а други дваесетина се водат како исчезнати, при уривање на училиште по вчерашниот силен земјотрес со интензитет од 7,1 степен според Рихтерова скала кој го погоди Мексико.
- Во основното училиште „Енрике Ребсамен“ загинаа 25 лица, од кои 21 дете, изјави мексиканскиот заменик министер за образование Хавиер Тревињо.
Засега вкупниот број на жртви во земјотресот е 150 луѓе, соопшти националната агенција за цивилна заштита.
- Најголем е бројот на жртви во државата Морелос јужно од главниот град каде се загинати 55 луѓе, изјави Луис Фелипе Пуенте, директор на Агенцијата.
Во главниот град Мексико Сити загинале најмалку 50 луѓе. Триесет и две лица го загубиле животот во државата Пуебла, додека три лица загинале во државата Гереро.
Според телевизијата „Миленио“ бројот на загинати е над 200 лица.
Десетици згради се урнати во густо населен реон на мексиканскиот главен град и спасувачки тимови се во потрага по преживеани. Милиони домаќинства се без струја од земјотресот што го погоди Мексико во 13:14 минути по локално време.
Градоначалникот на Мексико Сити, Мигел Анхел Мансера изјави дека 44 згради се урнати или оштетени додека некои се зафатени од пожари. Епицентарот на земјотресот бил на границата меѓу државите Пуебла и Морелос на длабочина од 51 километри.
Ново на Сител
-
Инспекторатот ќе контролира дали рабодавачите ја почитуваат владината одлука за неработен ден
-
До четврток облачно со дожд, од петок стабилизирање на времето
-
Граѓаните со истечени лични документи од 24 јули 2023 година ќе може да гласаат на утрешните претседателски избори
-
Тешко повреден пешак во сообраќајка на „Партизанска“ во Скопје
-
Во Хрватска падна снег | ВИДЕО
-
Пожар на грчкиот остров Крит во близина на поморската база Суда, превентивно евакуирани населба, болница и училиште
-
Првите шест авиони „Рафал“ во Хрватска пристигнуваат оваа недела
-
Швајцарија замрзна руски имот во вредност од 5,8 милијарди франци