Свет
2. March 2017 - 15:14

Најмалку 11 загинати при експлозија во рудник во Украина

Најмалку 11 рудари загинаа денеска при експлозија на метан во рудник за јаглен во западниот украински регион Лавов, јави ТАСС.

Претседателот на Конфедерацијата на слободните синдикати на Украина, Олександар Волинец на својот профил на Фејсбук објави дека инцидентот се случил во рудникот „Степова“.

Украинската Служба за вонредни состојби претходмо соопшти дека при експлозијата загинале осуммина рудари, шестмина се повредени, а 20 други се водат како исчезнати. 

Експлозијата се случила во 12.46 часот по локално време (11.46 часот по средноевропско време), на длабочина од околу 550 метри под површината на земјата.

Во време на експлозијата во рудникот имало вкупно 172 рудари, од кои 34 се наоѓале во реонот на инциднетот.

Причините за експлозијата засега не се познати.