Над 10 милиони денари за неколку проекти во општина Василево
Општина Василево ја почна изградбата на нова спортска сала во населеното место Нова маала. Градоначалникот Ванчо Стојанов информира дека за оваа намена ќе го преадаптираат објектот на стариот дом на култура.
- Како што и најавивме почнуваме со реализација на проектите планирани за 2017 година. Од Буџетот на општината одвоивме 4 милиони денари за преадапртација на културниот дом во Нова маала, објект кој во иднина ќе им служи на учениците од ова место да ги одржуваат часовите по физичко воспитување, но и на рекреативците кои сакаат да спортуваат, рече Стојанов.
Тој истакна дека оваа инвестиција е дел од неколкуте проекти кои вкупно чинат 10,5 милиони денари.
- Локалната администрација распиша јавна набавка за избор на најповолен понудувач за изградба на две улици, во Висока Маала и во Анѓелци. Со самата набавка имаме распишано и тендер за изведувач за порамнување на школскиот двор во Висока Маала, по што ќе започнат активностите на Агенцијата за млади и спорт за изградба на кошаркарско игралиште, рече Стојанов.
Градоначлникот Стојанов најави и асфалтирање на улица во Нова маала во првата половина на 2017 година, а Василево дополнително издвои 10 милиони денари за патот Чанаклија-Нова маала, со изградба на крак улица во Чанаклија која со последната трета фаза ќе ги поврзе овие две населени места. Во втората половина на март ќе се гради и повеќенаменско игралиште во Добрашинци кое чини 3 милиони денари.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка