Македонија
5. May 2017 - 8:35

Национална конференција за лицата со посебни потреби

Лицата со посебни потреби, работодавци, претставници од јавниот, приватниот и од граѓанскиот сектор денеска ќе дискутираат на националната конференција „Унапредување на механизмите за спречување и заштита од дискриминација на лицата со посебни потреби во Македонија“. 

Организатори се Фондацијата за одржлив економски развој Преда Плус во соработка со Здружението на студенти и младинци со хендикеп.

Конференцијата се организира како заокружување на проектот „Градење капацитети на организации за помош на лицата со посебни потреби во Република Македонија“, кој во Македонија се спроведува од ноември 2015 година до овој месец. 

Проектот е финансиран со грант од Националната програма на Европската унија за помош при транзиција и институционална надградба 2011, во рамки на Инструментот за претпристапна помош (ИПА).