Началникот на ГШ на АРМ на заседание на воениот комитет на НАТО во Брисел
Началникот на ГШ на АРМ, генерал-потполковник Методија Величковски, учествуваше на првиот дел од заседанието на воениот комитет на НАТО, во формат на началници на генералштабови на НАТО и партнерските нации кое се одржува во седиштето на НАТО во Брисел.
На денешната сесија на земјите членки на НАТО и партнерските земји кои учествуваат во мисијата „Одлучна поддршка“ во Авганистан, од страна на командантот на мисијата, генерал Николсон и високиот цивилен претставник на
НАТО, амбасадорот Цимерман пред присутните се презентирани најновите стратегиски и оперативни информации поврзани со безбедносната ситуација во Авганистан.
Притоа, од страна на учесниците во дискусија се разгледувани планови, насоки и препораки за понатамошно учество и дејствување во мисијата кои ќе бидат разгледани на состанокот во формат на министри за одбрана во февруари.
За време на своето учество на денешните активности, НГШ на АРМ оствари повеќе средби и размени на мислења со началници од армиите членки на НАТО и партнерските нации, особено со началниците на ГШ на армиите на земјите членки на А5 иницијативата, на кои се разговарало за заклучоците од последната конференција, и спремноста за справување со безбедносните предизвици во склад со цврстата определба на Република Македонија за полноправното членство во северноатланската алијанса.
На состаноците на воениот комитет активно учество имаат и постојаните воени претставници во командата на НАТО, каде и Република Македонија има свој висок воен претставник.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање