На располагање 80 милиони евра од ИПАРД 2, неопходно подобро искористување
Повлекувањето на ИПАРД средствата треба да доведе до структурни промени во македонското земјоделство, до промени во управувањето со земјоделските стопанства, производството и пласманот, порачаа учесниците на денешната дебата во Собранието на Република Македонија.
Според нив, ИПАРД е дел од заедничката европска аграрна политика (ГАП) чија единствена цел е да ги подготви идните земји членки на ЕУ за користење на нејзините структурни фондови.
- Македонскиот аграрен и рурален сектор се соочува со низа предизвици, подобрување на квалитетот на производството, конкуренцијата на регионалниот, европскиот и светскиот пазар, модернизација и отворање работни места. Но, пред нас стои уште еден голем предизвик, искористувањето на ИПАРД 2, програма која до 2023 година на земјава и нуди 80 милиони евра, истакна директорот на Платежната агенција, Никола Бабовски.
Интересот за ИПАРД 2 е голем, нагласи Бабовски, со оглед дека на првиот јавен повик реализира лани се доставени рекорден број барања, 1.649, за над 73 милиони евра за кофинансирање.
Директорот предочи Македонија не ги искористи доволно првичните средства од ЕУ фондовите, проектирани со ИПАРД 1 во периодот 2007-2013.
- До 2015 година беа објавени 12 повици на кои се доставија 3.087 барања, а склучени беа 1.091 договор со исплатени нешто над 16 милиони евра, рече Бабовски.
Тој потенцира дека искористувањето на ИПАРД средствата е стратегиски приоритет на Владата и во оваа насока веќе се прават конкретни чекори, се формира гарантниот фонд, а изготвен е и акциски план за зголемување на административните капацитети и подигнување на јавната свест за потребата од европската помош.
На дискусијата која е во тек ќе бидат споделени искуствата на Словачка, а ќе зборуваат и претставници од релевантните институции од земјава.
Ново на Сител
-
Србија: Приведени четворица припадници на косовската полиција
-
СПМ: Пендаровски секогаш бара вина кај другите
-
Османи: Петмина косовски полицајци се држат во заложништво во Србија
-
Неделков: СОНК нема да дозволи исплата на плата спротивно на Колективниот договор за дејноста култура
-
Над 20 слаби земјотреси регистрирани во Турција
-
Герасимовски: Решен децениски проблем со безбедноста на сообраќајот на улицата ,,Наум Наумовски Борче"
-
Четврти ден штрајк на приватни специјализанти
-
Мицотакис: Да направиме сè што е во наши раце за смирување на кризата на Блискиот исток