-->
-->
Mурињо кон Раниери: Те сменија но остануваат резултатите!
-->
Клаудио Раниери, во четвртокот, доби отказ на менаџерската позиција во Лестер, со кого пред неполни десет месеци го воодушеви фудбалскиот свет освојувајќи ја шампионската титула во Премиерлигата. Отказот на Раниери ја шокира јавноста во Англија, Италијанецот по социјалните мрежи добива поддршка од сите страни, а од пораките се издвојува онаа на Жозе Мурињо, кој во минатото не употребуваше убави зборови за колегата.
Жозе Мурињо, човек чие его „досега до небото“, во минатото немал премногу убаво мислење за човекот кого го наследи на клупата на Челзи пред 13 години.
Таа сезона, Португалецот, со тим кој во најголем дел беше селектиран од Раниери ја освои Премиерлигата, а за колегата Мурињо често знаеше да каже дека тој е „човек со нула титули“.
Вокабуларот Мурињо не го смени ниту кога се пресели во Италија, во редовите на Интер. Португалецот често коментираше работи кои беа поврзани со Јувентус и Раниери.
Веројатно и на Мурињо му стана јасно каков господин е Раниери, бидејќи Италијанецот на сите омаловажувачки коментари никогаш не му врати со иста мерка, напротив секогаш за Мурињо говорел со внимателно одбрани зборови.
Поради тоа Португалецот во последно време ги смени коментарите за господинот Раниери, а пораката со која му изразува поддршка на повозрасниот колега ја воодушеви Англија.
„Го сменија шампионот на Англија и најдобриот тренер во светот според ФИФА. Тоа е тој модерен фудбал. Главата горе мој пријателе, никој не може да ја избрише историјата која ја напиша минатата година“, напишал актуелниот менаџер на Манчестер Јунајтед на својот профил на Инстаграм.
-->
-->
-->
Ново на Сител
-
Платил преку интернет 21 илјада евра за роба која не стигнала, измамен тетовец
-
79-годишен дедо нападнал полицаец во Куманово
-
Грк починал во битолско казино
-
Во Штип на гласање до 9 часот излегле 5,27 отсто од гласачите
-
Излезноста до 9 часот во Општина Тетово е 3,2 отсто
-
Излезноста во Струга до 9 часот 2,4 отсто, во Вевчани 5,5 проценти
-
Во Неготино до девет часот гласале 5.83 проценти од гласачите
-
До 9 часот во Дебар еден отсто, во Центар Жупа 1,9 отсто излезеност