Мун: Поради опасност од Северна Кореја да се преземе воената надлежност над армијата

 Претседателот на Јужна Кореја,  Мун Џае-ин денеска ја потенцира потребата за побрзо преземање на воените оперативни надлежности над вооружените сили од САД, со цел Сеул подобро да се подготви за опасноста од нуклеарни и балистички напади од Северна Кореја.

Мун во говорот на прославата на Денот на вооружените сили изјави дека Владата сака побрзо да ја врати воената команда над јужнокорејските сили од Вашингтон.

- Северна Кореја ќе има страв од јужнокорејската војска кога земјата би имала воена надлежност над армијата, посочи Мун.

Јужна Кореја ја предаде својата оперативна надлежност на американските сили откако почна тригодишната Корејска војна во 1950 година. Сеул ја поврати мирновременската оперативна надлежност над армијата во 1994 година.