Бизарно но вистинито
3. February 2016 - 14:09

Му експлодирала електронска цигара и му нанела тешки повреди на лицето!

Момче од Келн (20) било тешко повредено откако му експлодирала електронската цигара. Тој се здобил со исеченици и изгореници и изгубил неколку заби. Момчето пред експлозијата купило нови резервни делови за цигарата помеѓу кои била и новата батерија. А потоа уште при првата употреба цигарата експлодирала. Сето тоа се случило минатата сабота.

Случаевите за експлозија на електронска цигара се познати и од претходно во САД. Слични повреди претрпел и маж од Флорида пред четири години. Тогаш експлозијата била предизвикана од батеријата која предизвикала и пожар во домот на жртвата. Слично нешто било забележано и во Канада, каде експлозијата на е-цигара тешко повредила еден маж. Повредите на лицето тој ги споделил и на друштвената мрежа Twitter.

Е-цигарите се забранети во Канада, Австралија и во некои американски држави. Неодамна е забранета и нивната употреба во градскиот превоз како и воопшто во превозните сретства во Хановер. Е-цигарите како такви овозможуваат да се употребуваат и во делот за непушачи, но очигледно е дека за многумина тоа е и понатаму неприфатливо.