Морина побара азил во Хрватска
Албанецот Исмаил Морина, кој е уапсен во Хрватска по издадена потерница од страна на Белград поради скандалот со дрон со знаме на „Голема Албанија“, побарал политички азил во Хрватска, со цел да избегне екстрадиција во Србија, изјави неговиот адвокат Дарко Бутиган.
Адвокатот на Морина потврди денеска дека неговиот клиент поднел барање за политички азил во Хрватска и сака да избегне екстрадирање во Србија, бидејќи смета оти нема да има фер судење.
Морина е осомничен дека на 14 октомври 2014 година управувал со дронот со знаме на „Голема Албанија“, што прелета над стадионот во Белград за време на фудбалскиот натпревар меѓу репрезентациите на Србија и Албанија, по што дојде до судир меѓу навивачите, а натпреварот беше прекинат. Тој минатиот месец беше уапсен во Хрватска по издадена потерница од страна на Србија, а Судот во Дубровник минатиот четврток одлучи да биде екстрадиран во Србија.
Бутиган на ваквата одлука поднесе жалба до хрватскиот Врховен суд, но барањето за азил сега ќе го одложи екстрадирањето за шест до десет месеци.
Фудбалскиот сојуз на Албанија во саботата побара од албанската Влада „правно да интервенира“ и да не дозволи екстрадирање на Морина во Србија.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово