Балкан
28. January 2017 - 21:36

Монструозно: Маж ги заклал сопругата и синот

Со нож го убил синот и својата сопруга. Српските медиуми јавуваат за монструозно двојно убиство во село во близина на градот Мали Зворник на западот од Србија.

Според информациите кои ги објави Блиц, мажот ги заклал својата сопруга и синот во дворот на семејната куќа. Нема информации кои се причините за убиството кое се случило попладнево околу 15 часот.

Случајот во полиција го пријавиле соседите. Тие велат дека 60 годишниот убиец бил чуден човек со кого никој во селото не разговарал. 62 годишната жена која денеска ја убил била негова втора сопруга откако се првата се развел поради семејно насилство. Убиен е и нивниот 24 годишен син кој бил студент по економски науки.

Обвинителот наредил обдукција по што полицијата најавува повеќе детали.